सहारा संवाददाता—————- वीरगंज, २९ पुस । सामुदायिक सेवा तथा सामुदायिक प्रहरी सेवा केन्द्र छपकैयाले वीरगंज महानगरपालिका–२ स्थित ताराचन्द किशनलाल आधारभूत विद्यालयका विद्यार्थीलाई टोपी र स्वेटर वितरण गरेको छ । सोमवार राज होजियारीको सहयोगमा केन्द्रले सो विद्यालयका विद्यार्थीलाई १०० थान स्वेटर र २० थान टोपी वितरण गरेको हो । केन्द्रको अध्यक्ष ग्यासु मियाँ ठकुराईको अध्यक्षतामा भएको कार्यक्रममा मुख्य अतिथि वडा प्रहरी कार्यालय बिर्ताका प्रहरी निरीक्षक निरोज चौलागाईं, वीरगंज महानगरपालिका–२ का अध्यक्ष महम्मद रेयाज मियाँ, प्रवीण विक्रम शाह, प्रेम कुमारी सिंह, अब्दुल कैश मियाँ, अजित कुमार भुजेल, शिक्षिका विताकुमारी चौलागाई, नन्दनी गुप्ता, बृज भूषण पाण्डे लगायतको सहभागिता थियो ।
Facebook Comments Box
