अधिकार प्राप्तिको अन्तिम लडाइँ बांकी नै छ–यादव

सप्तरी, १२ कात्तिक (रासस)
जनता समाजवादी पार्टी (जसपा) नेपालका केन्द्रीय कार्यकारिणी समिति सदस्य राजकिशोर यादवले पहिचान र अधिकार प्राप्तिको अन्तिम लडाइँ आवश्यक भएको बताउनुभएको छ ।
जनता समाजवादी पार्टी (जसपा) नेपाल सप्तरी कार्यालय राजविराजमा आज भएको कार्यकर्ता भेटघाटमा नेता यादवले पहिचान र अधिकार सुनिश्चितताको लागि अन्तिम लडाइँ लड्न अझै बाँकी नै रहेको बताउनुभयो ।
देशको समग्र विकासका लागि एकताबद्ध भएर काम गर्नुपर्नेमा जोड दिँदै उहाँले पार्टी स·ठन निर्माणमा पनि उत्तिकै इमान्दारीका साथ लाग्न नेता तथा कार्यकर्तालाई आग्रह गर्नुभयो ।
नेता यादवले मधेसी, आदिवासी जनजाति, थारू, दलित, मुस्लिम, महिला, पछाडि परेको क्षेत्रको खसआर्य, अल्पसंख्यक समुदायलगायत अन्यायमा परेका समुदायको हकअधिकार स्थापित गर्न आफ्नो पार्टी प्रतिबद्ध रहेको बताउनुभयो ।