परराष्ट्र नीति सन्तुलित, विश्वसनीय र भरपर्दो हुनुपर्छ–अध्यक्ष ओली

काठमाडौँ, ६ माघ (रासस)
नेकपा (एमाले) का अध्यक्ष केपी शर्मा ओलीले नेपालले सबै राष्ट्रहरूसँग सन्तुलित, विश्वसनीय र भरपर्दो सम्बन्ध कायम राख्नुपर्ने बताउनुभएको छ ।
नेकपा (एमाले)को परराष्टू विभागले आज यहाँ आयोजना गरेको दुई दिने अभिमुखीकरणमा उहाँले अन्तर्राष्टिूयस्तरमा नेपालले सन्तुलित र विश्वसनीय शक्तिका रूपमा स्थापित हुने गरी सम्बन्ध कायम राख्नुपर्ने बताउनुभयो ।
“हामीले दुई वटा छिमेकीसँग स्पष्ट र भरपर्दो सम्बन्ध बनाउनुपर्छ, बोल्ने एउटा र व्यवहार अर्को गर्नु हुँदैन”, अध्यक्ष ओलीले भन्नुभयो, “असल छिमेकी बन्नका लागि भलो चिताएर, उनीहरूको चासो, चिन्तालाई समेत यथोचित सम्बोधन गरी अघि बढ्नुपर्छ ।”
नेपालको सार्वभौम सत्ता माथि अतिक्रमण हुने नदिने र देशको सार्वभौमसत्ता, स्वाधीनतामा कसैलाई प्रयोग हुन नदिने उल्लेख गर्दै ओलीले भन्नुभयो, “नेपालमा कुनै प्रकारका सैनिक राख्न दिँदैनौँ तर नेपालले सबैसँग मित्रता राखेको छ, कसैसँग पनि शत्रुता राखेको छैन ।”
अध्यक्ष ओलीले विश्व शान्तिका लागि सबैले काम गर्नुपर्ने उल्लेख गर्दैै थप्नुभयो, “विश्वभरि नै शान्ति कायम हुन सकोस, सबै देशको सार्वभौमसत्ताको सम्मान हुन सकोस ।”
उहाँले कुनै पनि हिसाबले युद्धलाई साथ र समर्थन नगर्ने र संसारमै युद्ध अन्त्य गर्नुपर्नेमा जोड दिनुभयो । उहाँले भन्नुभयो, युद्ध भएका ठाउँमा वार्ताको माध्यमबाट अन्त्य गरिनुपर्छ, सबै देशहरू सार्वभौमसत्ता सम्पन्न छन् ।ू
नेपालले कूटनीतिक सम्बन्ध बलियोरूपमा अघि बढाउनुपर्ने र पारस्परिक लाभ तथा सम्मानका आधारमा सबैसँग मित्रताको नीतिबाट अगाडि बढ्ने नेपालको परराष्ट्र सम्बन्ध नीति सञ्चालन गर्ने आधार भएको स्पष्ट पार्नुभयो ।