स्वदेश मै हर्षका साथ रहने नेपाली जनताको आकांक्षा पुरा नहुंदा हाम्रो बेचैनी बढाएको छ–पुर्व राजा शाह

सहारा संवाददाता–––––––––––––––
वीरगंज, २३ असोज ।
पुर्व राजा ज्ञानेन्द्र वीर विक्रम शाहले विजया दशमी २०८१ को उपलक्ष्यमा नेपाली जनतामा शुभकामना व्यक्त गर्नु भएको छ ।
पुर्व राजा शाहले बुधवार विजया दशमी २०८१ को उपलक्ष्यमा जारी गरेको शुभकामना सन्देशमा हाम्रा घर आंगनमा हाम्रो सांस्कृतिक पर्व वडा दशैं आइपुगेको छ । उल्लास र उमंगको यो सामाजिक पर्वका अवसरमा स्वदेश तथा विदेशमा रहेबसेका सबै नेपालीहरुमा शुभकामना व्यक्त गर्दछौं उल्लेख गर्नु भएको हो ।
श्री ५ महाराजधिराज ज्ञानेन्द्र बिरबिक्रम शाहदेवको हैसियतले जारी गर्नु भएको शुभकामना सन्देशमा खुसि हुन र रमाउन दशै नै पर्खनु पर्ने नियतीबाट मुक्ति पाएर बाह्रै महिना सबै दिन नेपालीले खुसि र सुख प्राप्त गरेको हेर्ने हाम्रो चाहना पुरा हुन नसक्दा हामीलाई दुःख लाग्नु स्वभाविक हो उल्लेख गर्नु भएको छ ।
जनताको जीवनमा सकारात्मक परिवर्तन ल्याउन जस्तोसुकै त्याग गर्न पनि तत्पर रहने शाहवंशीय परम्पराको यथोचित पालना गर्दै हामीले नारायणहिटी दरवार छोडेका थियौ । तर दुई दशक पुरा हुनै लाग्दा पनि स्वदेश मै हर्षका साथ रहने नेपाली जनताको आकांक्षा पुरा नहुदा हाम्रो बेचैनी बढाएको सन्देशमा उल्लेख गर्नु भएको छ ।
उहाले नेपाल अहिले अत्यन्तै असहज अवस्थामा छ । निरन्तरको परनिर्भता र ऋणको भारले थिचिएको छ । हाम्रो गाऊबस्ती र शहरी क्षेक्र त्रमशः युवाशक्ति विहीन बन्दै गइरहेको छ । आज मुलुकमा युवाशत्तिले कमाउने र रमाउने वातावरण बन्न सकेको छैन । युवालाई स्वदेश मै रोजगारी सिर्जना गर्दै आत्म निर्भर अर्थतन्त्रको विकास गर्न विकल्प प्रस्तुत गर्न नसक्नुको परिणाम आज मुलुकले कहालीलाग्दो अवस्था भोग्दै छ सन्देश मार्फत भन्नु भएको छ ।
पुर्व राजा शाहको सन्देशमा रोजगारीको निमित्त विदेशीनु पर्ने वाध्यात्मक अवस्थाले हाम्रा खेत वारी मात्र बांझो तुल्याएको होइन हरेक बाबु आमाको मन पनि कांढाले विझाएको छ । हामीले मुलुकमा शान्ति, स्थायित्व, अमनचैन, न्याय र समृद्धि बाहेक अर्को इच्छा कहिल्यै राखेनौं । देशको सार्वभौमिक स्वतन्त्रता, अखण्डता र सामाजिक सद्भावको स्थिति अटुटु राख्ने हाम्रो चाहना हो । बाह्रय शक्तिराष्ट्रहरुको दवाव र दुस्प्रभाव हामी कहां नवढोस् यो देशमा अरुको खेल मैदान नबनोस्, हाम्रो भूमी कुनै प्रकारको अशान्तिको चपेटामा नपरोस् भन्नेमा नै हाम्रो गहिरो ध्यानदृष्टि थियो र सधैं हुनु पर्दछ उल्लेख गर्नु भएको छ ।
एकाइसौं शताब्दीको पहिलो दशक देखि नै क्षेत्रीय एवम् अर्न्तराष्ट्रिय तनाव झन गहिरो हुंदै गएको उल्लेख गर्दै शुभकामना सन्देशमा यसको प्रभावबाट नेपाल पनि चोखिन पाएको छैन । राष्ट्र राष्ट्रहरुको बीचमा विश्वासको संकट चुलिदै गएको परिदृष्य प्रष्ट नै छ । झू–राजनीतिक अवस्थाको कारणले गर्दा हाम्रो देश अछुतो रहन सकेको छैन । महाशक्तिहरु बीचको तनाव र स्वयं घोषित नवशत्तिहरुको अहमता बढ्दै गएको उल्लेख गर्नु भएको छ ।
यस्तो अवस्थामा नेपाल “शान्त राष्ट्र” को रुपमा घोषित होस् र यसैवाट विश्वभर परिचित रहोस् भन्ने हाम्रो मान्यता र आग्रह रहेको उल्लेख गर्नुको साथै सन्देमा यस दिशातर्फ हामी सबैको राष्ट्रिय संकल्प हुनै पर्दछ । नेपालका बारेमा नेपालीहरु नै निर्णायक हुनु पर्दछ भन्ने हाम्रो सोचको अपरिहार्यता वर्तमानमा देखापरेको अन्यौल र अराजकताले झन पुष्ठि गरेको छ सन्देश मार्फत भन्नु भएको छ ।