लोसपा वरिष्ठ नेता महतोले गरे पार्टी परित्याग

काठमाडौँ, १४ फागुन (रासस)
लोकतान्त्रिक समाजवादी पार्टी (लोसपा) नेपालका वरिष्ठ नेता राजेन्द्र महतोले पार्टी परित्यागको घोषणा गर्नुभएको छ ।
वरिष्ठ नेता महतोले आज यहाँ पत्रकार सम्मेलन गरी औपचारिकरुपमा सो पार्टी परित्यागको घोषणा गर्नुभएको हो । पार्टी परित्यागसँगै ऊहाँले “राष्ट्रिय मुक्ति त्रान्ति” नामक अभियानको घोषणा पनि गर्नुभएको छ ।
केही समयदेखि लोसपा नेतृत्वसँग असन्तुष्ट रहँदै आउनुभएका नेता महतोले पत्रकार सम्मेलनमार्फत पार्टी परित्यागसहित औपचारिकरुफमा “राष्ट्रिय मुक्ति त्रान्ति” नामक अभियानको घोषणा पनि गर्नुभएको थियो ।
नेता महतोले आफूले आज घोषणा गरेको अभियान, सङ्घर्ष र विद्रोहका रुपमा अगाडि बढ्ने पनि बताउनुभयो । आफूले लोसपा परित्याग गरे पनि ऊक्त त्रान्तिमार्फत सक्रिय रहने उहाँको भनाइ थियो ।
पार्टी परित्याग गर्नुपर्ने कारणबारे उहाँले भन्नुभयो, “जुन आशा र अपेक्षाअनुसार हामीले लोसपाको विकास गर्न खोजेका थियौँ, त्यसरी सो पार्टीले मुलुकलाई निकास दिनसक्ने अवस्था देखिएन । मधेस र समग्र देशका नागरिकका अपेक्षाअनुसार सो पार्टीले काम गर्न सकेन । त्यसैले मैले पार्टी परित्याग गरेर नयाँ क्रान्तिको सुरुआत गरेको हो ।”