खुद्रा व्यापारीको समस्याबारे वीउवासंघमा छलफल

वीरगंज, १६ बैशाख । वीरगंज उद्योग वाणिज्य संघले खुद्रा व्यापारी र व्यवसायीहरूसँग मंगलवार छलफल गरेको छ । वीउवा संघको सभाहलमा आयोजना गरिएको बैठकमा खुद्रा व्यापारीहरुको समस्याबारे छलफल गरिएको थियो । छलफलमा खुद्रा व्यवसायीहरूले भन्सार प्रक्रियाको जटिलता, बजारमा अनियमित प्रतिस्पर्धा, कर प्रशासनसँगको द्वन्द्व लगायतका विविध विषयहरू उठाएका थिए । संघका पदाधिकारीहरूले व्यवसायीहरूका गुनासोहरूप्रति आवश्यक पहल गर्ने बताएका छन् । खुद्रा व्यवसाय समिति संयोजक तथा संघका वरिष्ठ उपाध्यक्ष माधव राजपाल, कोषाध्यक्ष अनोज रूंगटा, सचिव प्रेमचन्द्र गोयल, सह–कोषाध्यक्ष निरज अग्रवाल, कार्यसमिति सदस्यहरू तथा वीरगंजका विभिन्न क्षेत्रका खुद्रा व्यवसायीहरूको सहभागिता थियो ।