लागु औषध गाँजा सहित चार जना पक्राउ

सहारा संवाददाता–––––––––––––––
वीरगंज, ०७ मंसिर ।
पर्सा प्रहरीले लागु औषध गाँजा सहित चार जनालाई पक्राउ गरेको छ ।
विशेष सूचनाको आधारमा वडा प्रहरी कार्यालय विर्ता, लागु औषध नियन्त्रण ब्यूरो पर्सा र प्रहरी चौकी ईनर्वाबाट खटिएको संयुक्त प्रहरी टोलीले वीरगंज महानगरपालिका वडा नं. १६ बाइपास सडकखण्ड स्थित मिनी कन्टेनरबाट लागु औषध गाँजा सहित ३ जनालाई पक्राउ गरेको हो ।
प्रहरी टोलीले शुक्रवार विहान साढे ३ बजेको समयमा वीरगंज महानगरपालिका वडा नं.१६ बाइपास सडकखण्डमा ना.४ ख ९२५८ नम्बरको मिनी कन्टेनर ट्रकलाई रोकेर खानतलासी गर्दा ४ वटा सेतो प्लाष्टिकको बोरामा रातो प्लाष्टिकले बेरी लुकाइ छिपाइ राखिएको लागु औषध गाँजा ८५ किलो फेला परेको जिल्ला प्रहरी कार्यालय पर्साले जनाएको छ ।
लागु औषध गाँजा फेला परे पछि कन्टेनरमा सवार सिन्धुपालचोक जिल्ला बलेफी गा.पा.वडा नं.६ का ३६ वर्षीय शान्त वहादुर तिमिल्सिना र प्रेम रूम्बा अन्य एक जनालाई पक्राउ गरिएको जिप्रकाले जनाएको छ ।
त्यसै गरी प्रहरी चौकी ईनर्वाबाट खटिएको नियमित चेकिङ टोलीले लागु औषध गाँजा सहित १ जनालाई पक्राउ गरेको जनाइएको छ ।
वीरगंज महानगरपालिका वडा नं.१६ शंकराचार्य गेट स्थित नियमित चेकिङ टोलीले बिभिन्न सवारी साधन तथा पैदल याक्रुहरूलाई चेकजाँच गर्ने त्रममा वीरगंजबाट भारतको रक्सौलतर्फ संकाष्पदरूप झोला बोकी पैदल जांदै गरेको भारत विहार जिल्ला गोपालगञ्ज थाना महमदपुर ग्राम अमरपुरा बस्ने वर्ष ६५ को गोगल महतो नुनियालाई खानतलासी गर्दा निजले बोकेको झोलाभित्र प्लाष्टिकले बेरी लुकाइ छिपाइ राखिएको लागु औषध गाँजा ७ किलो फेला परेको जिप्रकाले जनाएको छ ।
फेला परेको गाँजा सहित नुनियालाई नियन्त्रणमा लिइ लागु औषध सम्बन्धी कसूरमा थप अनुसन्धान भइरहेको जिप्रकाले जनाएको छ ।