सहारा संवाददाता–––––––––––––––
वीरगंज, २८ कार्तिक ।
पर्सा प्रहरीले खुद्रा तथा कपडाहरु लोड रहेको एक ट्रक नियन्त्रणमा लिएको छ ।
विशेष सूचनाको आधारमा जिल्ला प्रहरी कार्यालय पर्साबाट खटिएको टोलीले मंगलवार राती ११ बजे वीरगंज स्थित घण्टाघर चोकबाट खुद्रा तथा कपडाहरु लोड रहेको एक ट्रक नियन्त्रणमा लिएको हो ।
प्रहरी टोलीले ना.३ ख ७९१० नम्बरको मालबाहक ट्रकलाई रोकेर चेकजाँच गर्दा साथमा रहेको विल विजक भन्दा बढीका खुद्रा तथा कपडाहरू लोड गरी काठमाण्डौतर्फ लैजांदै गरेको अवस्थामा नियन्त्रणमा लिएको जिप्रकाले जनाएको छ ।
नियन्त्रणमा लिएको ट्रकमा लोड रहेको रु. ४८ लाख ५६ हजार ४ सय ३१ बराबरका खुद्रा तथा कपडाहरु आवस्यक कारवाहीको लागी राजस्व अनुसन्धान कार्यालय पथलैया बारामा बुझाइएको जिप्रकाले जनाएको छ ।
Facebook Comments Box
