लागु औषध गाँजा सहित महिला पक्राउ

सहारा संवाददाता–––––––––––––––
कलैया, २० साउन ।
बारा प्रहरीले लागू औषध गाँजा सहित एक जना महिलालाई पक्राउ गरेको छ ।
जिल्ला प्रहरी कार्यालय बारा मातहतका प्रहरी चौकी पथलैया बाराबाट खटिएको प्रहरी टोलीले जीतपुर सिमरा उप–महानगरपालिका वडा नं.१ आधाभार जंगलबाट लागू औषध गाँजा सहित एक जना महिलालाई पक्राउ गरेको हो ।
प्रहरी टोलीले आइतवार बिहान जीतपुर सिमरा उमनपा वडा नं. १ आधाभार जंगल स्थित पिठयूमा कालो झोला बोकेर सडक छेउमा उभि रहेकी बर्दीया जिल्ला मधुवन नगरपालिका नं. ७ बस्ने सागर तामाङको श्रीमती वर्ष अं. २५ की प्रियंका श्रेष्ठलाई शंकाको आधारमा चेकजांच गर्दा निजले बोकेको झोलामा लुकाई झिपाई रखेको ८ किलो ५ सय ग्राम लागू औषध गाँजा बरामद भएको जिप्रका बाराका प्रवक्ता प्रनाउ प्रकाश सापकोटाले जानकारी दिनु भयो ।
लागु औषध सहित महिलालाई नियन्त्रणमा लिई थप अनुसन्धान भइरहेको प्रनाउ सापकोटाले जानकारी दिनु भयो ।