लागु औषध गाँजा सहित एक महिला पक्राउ

सहारा संवाददाता–––––––––––––––
वीरगंज, १९ साउन ।
पर्सा प्रहरीले ५० किलो लागु औषध गाँजा सहित एक जना महिलालाई पक्राउ गरेको छ ।
विशेष सूचनाको आधारमा जिल्ला प्रहरी कार्यालय पर्सा र ईलाका प्रहरी कार्यालय ठोरीबाट खटिएको प्रहरी टोलीले ठोरी गाउपालिका वडा नं.२ सुन्दरबस्तीबाट लागु औषध गाँजा सहित एक जना महिलालाई पक्राउ गरेको हो ।
स्थानीय अनिता गुरौले आफ्नै घरमा लागु औषध गाँजा लुकाइ छिपाइ राखिएको भन्ने सूचनाको आधारमा खटिएको प्रहरी टोलीले खानतलासी गर्दा उक्त कोठामा रहेको बक्स पलंग भित्र लुकाइ छिपाइ राखिएको लागु औषध गाँजा ५० किलो फेला परे पछि निज अनिता गुरौलाई नियन्त्रणमा लिइ निज विरुद्ध लागु औषध सम्बन्धी कसूरमा पर्सा जिल्ला अदालतबाट म्याद थप अनुमति लिइ अनुसन्धान गरिरहेको जिल्ला प्रहरी कार्यालय पर्साले जनाएको छ ।