लागु औषध खैरो हिरोइन सहित चार पक्राउ

सहारा संवाददाता–––––––––––––––
वीरगंज, ०६ चैत्र ।
लागु औषध खैरो हिरोइन सहित पर्सा प्रहरीले ४ जनालाई पक्राउ गरेको छ ।
जिल्ला प्रहरी कार्यालय पर्सा तथा मातहतबाट खटिएको प्रहरीको चेकिङ टोलीले छुट्टा–छुट्टै स्थानबाट लागु औषध खैरो हिरोइन सहित ४ जनालाई पक्राउ गरेको हो ।
जिप्रकाबाट खटिएको चेकिङ टोलीले वीरगंज महानगरपालिका वडा नं.१५ चालीस फिट्टे स्थित सडकखण्डमा बा.९५ प २३०३ नम्बरको स्कुटीमा संकाष्पदरूपमा हिडिरहेको रौतहट जिल्ला चन्द्रनगर न.पा.वडा नं.५ बस्ने वर्ष २४ को सेजल श्रेष्ठ र पर्सा जिल्ला जिराभवानी गा.पा.वडा नं.२ बस्ने वर्ष १९ को बिजय साहलाई रोकेर खानतलासी गर्दा सेजल श्रेष्ठले लगाएको पाइन्टमा लुकाई छिपाई राखिएको लागु औषध खैरो हिरोइन जस्तो देखिने पदार्थ प्लाष्टिक वाहेक १ ग्राम फेला परेको जिप्रकाले जनाएको छ ।
त्यसै गरी वीमनपा वडा नं.१६ रजतजयन्ती चोकस्थित सडकखण्डमा प्रहरी चौकी ईनर्वाबाट खटिएको चेकिङ टोलीले खैरो हिरोइन जस्तो देखिने पदार्थ सहित दुई जनालाई पक्राउ गरेको छ ।
चेकिङ टोलीले भारतबाट नेपालतर्फ आवत जावत गर्ने सवारी साधन तथा याक्रीहरूलाई चेकजाँच गर्ने त्रममा संकाष्पदरूपमा भारतबाट नेपालतर्फ आउदै गरेका चितवन जिल्ला भरतपुर महानगरपालिका वडा नं.१७ शारदानगर बस्ने वर्ष २४ को अमित गुरुङ र वर्ष २४ की सुनिता वि.क.लाई रोकेर खानतलासी गर्दा सुनिता वि.क.ले लगाएकी ब्रा भित्र लुकाई छिपाई राखिएको लागु औषध खैरो हिरोइन जस्तो देखिने पदार्थ प्लाष्टिक वाहेक १ ग्राम फेला परेको जिप्रका पर्साका प्रवक्ता प्रनाउ कुमार विक्रम थापाले जानकारी दिनु भयो ।
पक्राउ परेका चारै जना विरुद्द लागु औषध सम्बन्धी कसूरमा थप अनुसन्धान भइरहेको प्रनाउ थापाले जानकारी दिनु भएको छ ।