श्रीमतीको हत्या आरोपमा एजहारूलहक पक्राउ

सहारा संवाददाता–––––––––––––––
वीरगंज, १३ कार्तिक ।
श्रीमतीलाई छुरा प्रहार गरी हत्या गरेको अभियोगमा श्रीमान् पक्राउ परेका छन ।
वीरगंज महानगरपालिका वडा नं. १४ बहुअरी बस्ने फजल करिम मियाँको ४५ वर्षीय छोरा एजहारूलहक अंसारीलाई श्रीमती हत्या आरोपमा पर्सा प्रहरीले पक्राउ गरेको हो ।
एजहारूलहक अन्सारीको दुई वटा श्रीमती रहेकोमा कार्तिक ४ गते राती करिब ९ बजेको समयमा वीरगंज महानगरपालिका वडा नं.१४ बहुअरी स्थित घरमा कान्छी श्रीमती महिमा खातुनलाई घरायसी विवादका कारण ससुरा वर्ष ६५ को फजल करिम मियाँ, सासु आमा वर्ष ६३ की सरिफन खातुन र सौता वर्ष ३८ की नुरजहान खातुन समेतले कुटपिट गरेको र श्रीमान् एजहारूलहकले धारिलो हतियार छुरा प्रहार गरेको प्रहरीले जनाएको छ ।
चक्कुले महिमाको छाती र पेटमा प्रहार गरेका कारण गम्भिर घाईते भई अचेत अवस्थामा उपचारको लागि वीरगंज हेल्थ केयर अस्पतालमा पुर्‍याइ उपचारको क्रममा कार्तिक ५ गते आइतवार विहान साढे १० बजे मृत्यु भएको जिल्ला प्रहरी कार्यालय पर्साले जनाएको छ ।
सो घटनाको अनुसन्धानको क्रममा प्रहरीले मृतक महिमाका श्रीमान् एजहारूलहक र सौता नुरजहान खातुनलाई पक्राउ गरी अदालतबाट १२ दिनको म्याद अनुमति लिई अनुसन्धान तथा अन्य आरोपीहरुको खोजी भइ रहेको जनाएको छ ।