घरेलु हतियार प्रहार गरी महिलाको हत्या

सहारा संवाददाता–––––––––––––––
वीरगंज, १९ असोज ।
वीरगंज महानगरपालिका वडा नं. १ बजार छपकैयामा एक महिलाको हत्या भएको छ ।
वीमनपा वडा नं. १ बजार छपकैया निवासी गगनदेव साहकी ४० वर्षीया पत्नी पुनमदेवी साहको हत्या भएको हो ।
शुक्रबार बिहान टाउकोमा घरेलु हतियार प्रहार भई गम्भीर घाइते अवस्थामा भेटिएकी पुनमदेवीलाई उपचारका लागि नारायणी अस्पताल हुंदै नेशनल मेडिकल कलेज पुर्‍याइए पछि चिकित्सकले मृत घोषणा गरेको प्रहरीले जनाएको छ ।
पति गगनदेव कामको शिलशिलामा भारतमा र छोरा पनि अध्ययनको लागि भारतकै दिल्लीमा रहेको अवस्थामा पुनमदेवी घरमा ऐक्लै बस्दै आएकी थिइन ।
मृतक पुनमदेवीको हत्या कसले र किन गरेको भन्ने खुल्न नसकेको प्रहरीले जनाएको छ ।
मृतकको शव परिक्षणका लागि नारायणी अस्पतालमा पठाइएको छ परिक्षण रिपोर्ट आएपछि हत्या बार केही यकिन कारण खुल्ने भए पनि हाल केही मानिससंग सोध पुछ सहित अनुसन्धान भई रहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक कुमार विक्रम थापाले जानकारी दिनु भयो ।
उहाले हत्याको तहसम्म पुग्न तालिम प्राप्त कुकुरको प्रयोग गरी अनुसन्धान थालिएको पनि बताउनु भयो ।