आइसिपी गेट बाटै ट्रक नियन्त्रण

सहारा संवाददाता–––––––––––––––
वीरगंज, ३१ असार ।
बिल बिजक भन्दा बढी लत्ताकपडाहरु लोड रहेको एक ट्रक पर्सा प्रहरीले नियन्त्रणमा लिएको छ ।
सुचनाको आधारमा जिल्ला प्रहरी कार्यालय पर्साबाट खटिएको टोलीले वीरगंज महानगरपालिका वडा नं. २५ स्थित आइसिपी गेट स्थित सडकखण्डबाट नियन्त्रणमा लिएको हो
बिल विजक भन्दा बढी औषधी तथा खुद्रा सामानहरु बोकेको माल बाहक ट्रक काठमाण्डौतर्फ जांदै गरेको भन्ने सूचनाको आधारमा खटिएको प्रहरी टोलीले शुक्रवार ना.८ ख ३९७८ नम्बरको मालवाहक ट्रक रोकेर जांच गर्ने क्रममा विल विजक भन्दा बढी मालबस्तुहरू लोड रहेको देखिए पछि नियन्त्रणमा लिएको जिप्रकाले जनाएको छ ।
प्रहरीले नियन्त्रणमा लिएको ट्रक सहित लत्ताकपडाहरुको अ.मु.रू ५६ लाख ५८ हजार १ सय ८६ मुल्यांकन गरी थप अनुसन्धान तथा आवश्यक कारवाहीको लागि आइतवार राजश्व अनुसन्धान कार्यालय पथलैया, बारामा बुझाइएको जनाएको छ ।