वीरगंज, ०१ फाल्गुन ।
वीरगंज महानगरपालिका वडा नं. १४ पिपरा स्थित पशुपतिनाथ मन्दिरमा प्रवचन एवं महाआरती सम्पन्न भएको छ ।
वीरगंज महानगरपालिका र विश्व हिन्दु परिषद नेपालद्वारा संयुक्त रुपमा आयोजित प्रवचन एवं महाआरती सम्पन्न भएको हो ।
वीरगंज महानगरपालिकाका मेयर राजेशमान सिंहको अध्यक्षतामा आयोजित प्रवचन एवं महाआरती भारत उत्तर प्रदेश स्थित काशी विश्वनाथ मन्दिरका मुख्य पुजारी पण्डित डा.श्रीकान्त मिश्र, नेपाल जनकपुरधाम जानकी मन्दिरका महन्थ रोशन दास जी महाराजको सानिध्यमा वीरगंज मै पहिलो पटक प्रवचन एवं महाआरती भब्यताका साथ सम्पन्न भएको हो ।
महाआरती कार्यक्रममा विभिन्न धामबाट आउनु भएका साधु संत तथा महन्थहरुका साथै पर्सा, बारा, रौतहट, मकवानपुर, चितवन जिल्ला लगायत सिमा वर्ती भारतीय क्षेत्रका सर्वसाधारण समेतको सहभागीता रहेको थियो ।
प्रवचन एवं महाआरतीमा वीरगंज महानगरपालिकाका उपमेयर इम्तियाज आलम, प्रमुख प्रशासकीय अधिकृत लक्ष्मी प्रसाद पौडेल, उद्योगी एवं वीउवा संघका पुर्वअध्यक्ष अशोक बैद्य, विश्व हिन्दु परिषदका प्रदाधिकारीहरु, हिन्दु स्वयम सेवक संघका पदाधिकारीहरुको सकृय सहभागिता रहेको थियो ।
प्रवचन एवं महाआरती आयोजनाका लागी पछिल्ला केही हप्ता देखी पिपरा स्थित पशुपति मन्दिर परिसर सरसफाई, रंगरोगनका साथै सिंगारिने कार्य गरिएको थियो ।
Facebook Comments Box
- Advertisment -
सम्बन्धित खबर
