चोरीको ८ मोटरसाइकल सहित ४ जना पक्राउ

वीरगंज, १२ पुष ।
चोरीको मोटरसाइकल सहित पर्सा प्रहरीले ४ जनालाई पक्राउ गरेको छ ।
पर्सा जिल्ला धोबिनी गाउपालिका वडा नं. ४ लंगडी बस्ने रामबाबु कुमार गुप्ताको चोरी भएको प्र.२–०३–००७ प १७६६ नम्बरको मो.सा. सहित पक्राउ परेका चोरको बयानको आधारमा थप मोसा सहित अन्य तिन जनालाई प्रहरीले पक्राउ गरेको हो ।
वीरगंज महानगरपालिका वडा नं. ८ स्थित नेपाल टेलिकम दुरसंचार कार्यालय अगाडी पार्किङ गरी राखिएको अवस्थाबाट वीमनपा वडा नं. २६ बस्ने बर्ष २० को राम प्रवेश पटेलले मास्टर सांचोको प्रयोग गरी लक तोडेर चोरी गरी शंकास्पदरूपमा जांदै गरेको अवस्थामा वडा प्रहरी कार्यालय विर्ताबाट खटिएको गस्ती टोलीले निजलाई पक्राउ गरेको जिल्ला प्रहरी कार्यालय पर्साले जनाएको छ ।
पक्राउ परेका पटेल संग प्रारम्भिक अनुसन्धानमा निज संगै थप ३ जनाको संलग्नतामा बिभिन्न मिति समय र स्थानहरूबाट चोरी गरेको ना ५२ प ५०२४, ना २७ प ७८४७, ना ११ प ११२१, ना ५३ प ७१०६, ना ३७ प ९८१८, ना ४६ प ८६२७ र म.प्र.०३–००८ प ७१८६ नम्बरको मोटरसाईकलहरू समेत बरामद गरिएको जिप्रकाले जनाएको छ ।
ति मोसा र पटेल सहित वीमनपा वडा नं. २६ का अशोक पटेल, भारत विहार राज्य जिल्ला पुर्वी चम्पारण रतनपुरका शिवम पाण्डे र वीमनपा वडा नं. २४ को आकाश तिवारीलाई पक्राउ गरिएको प्रहरीले जनाएको छ ।
मोसा सहित पक्राउ परेकाहरुलाई चोरी सम्बन्धी कसूरमा पर्सा जिल्ला अदालतबाट म्याद लिइ थप अनुसन्धान भइ रहेको जिप्रकाले जनाएको छ ।