खेलकुद विकास समिति पर्साको कार्यालयमा तालाबन्दी

वीरगंज, १२ पुष ।
खेलकुद विकास समिति पर्साको कार्यालयमा तालाबन्दी गरिएको छ ।
पर्सा जिल्ला तेक्वान्दो कार्य समितिले राष्ट्रिय खेलकुद परिसदको निर्णयको विरोध गर्दै समितिको पर्सा कार्यालयमा तालाबन्दी गरेको हो ।
संघका पर्सा अध्यक्ष गणेशमान श्रेष्टको नेतृत्वमा रहेका संघका पदाधिकारीहरु वरिष्ट उपाध्यक्ष रमेश मानन्धर, सदस्य राजु साह, हरिनारायण पटेल, तेक्वान्दो संघ मधेश प्रदेशका महासचिव राजकुमार लामा, बारा जिल्लाका अध्यक्ष नन्दु लामा लगायतको सहभागितामा पुगेका टोलीले समितिको कार्यालयमा तालाबन्दी गरेका हुन ।
सोही टोलीले पर्साका प्रमुख जिल्ला अधिकारीलाई समेत परिसदको निर्णय सच्याउन माग गर्दै ज्ञापन पत्र समेत बुझाएका छन ।
राष्ट्रिय खेलकुद परिसद प्रधान कार्यालयले पुष ५ गते नेपाल तेक्वान्दो संघ केन्द्रीय कार्यालयलाई पत्राचार गरी संघ खारेज गरिएको जानकारी गराए पछि संघले यस्तो विरोध गर्ने निर्णय गरे अनुरुप हामिले तालाबन्दी गरेको संघका पर्सा अध्यक्ष श्रेष्ठले बताउनु भयो ।