वीरगंज, ३० कार्तिक ।
सशस्त्र प्रहरी बल सर्लाहीले लागु औषध गाँजा सहित एक ट्रक नियन्त्रणमा लिएको छ ।
सशस्त्र प्रहरी बल बोर्डर आउट पोष्ट मलंगवाबाट खटिएको टोलीले मलंगवा नपा वडा नं. ११ गम्हरिया स्थित गंगा पेट्रोल पम्पबाट लागु औषध गाँजा लोड ट्रक नियन्त्रणमा लिएको हो ।
सशस्त्र प्रहरी बल २ नम्बर छिन्नमस्ता बाहिनीको विशेष सुचनाको आधारमा खटिएको बिओपि मलंगवाको टोलीले गंगा पेट्रोल पम्पमा वेवारिसे अवस्थामा रोकि राखेको पानी बोकेको बागमती प्रदेश ३०१÷००६ ख १७०४ नम्बरको ट्रकमा लुकाई छिपाई भारत तर्फ लैजान लागेको १४ पोकामा १४० किलो गाँजा बरामद गरेको सशस्त्र प्रहरी बल २ नम्बर छिन्नमस्ता बाहिनी बर्दिवासले जनाएको छ ।
नियन्त्रणमा लिइएको लागु औषध गाँजा सहितको ट्रक आवस्यक कारवाहीको लागी जिल्ला प्रहरी कार्यालय सर्लाहीलाई बुझाइएको जनाइएको छ ।
Facebook Comments Box
