चोरीको स्कुटर सहित ३ पक्राउ

वीरगंज, १९ कार्तिक ।
पर्सा प्रहरीले चोरीको स्कुटर सहित ३ जनालाई पक्राउ गरेको छ ।
वीरगंज महानगरपालिका वडा नं. ११ श्रीपुर बस्ने प्रमोद कुमार कुर्मीको घर अगाडीबाटै चोरी भएको स्कुटर सहित ३ जना चोरहरुलाई प्रहरीले पक्राउ गरेको हो ।
कार्तिक १३ गते कुर्मीको घर अगाडी पार्किङ गरी राखिएको अवस्थाबाट लक तोडेर चोरी भएको प्रदेश २–०३–०१५ प ९६१३ नम्बरको स्कुटर सहित प्रहरीले वी.म.न.पा.वडा नं.११ श्रीपुर बस्ने कृष्ण क्षेत्री, देदिव्य सिंह र आकाश चौरसियालाई पक्राउ गरेको जिल्ला प्रहरी कार्यालय पर्साले जनाएको छ ।
प्रहरीले खोजतलास तथा अनुसन्धान गर्ने क्रममा चितवन जिल्ला भरतपुर महानगरपालिका वडा नं. १० थानीचोक भिमकुना वडा एरियामा लुकाइ छिपाई राखेको अवस्थामा फेला पारेको जिप्रका पर्साले जनाएको छ ।
अनुसन्धानको क्रममा खुल्न आए पछि वडा प्रहरी कार्यालय श्रीपुरबाट खटिएको अनुसन्धान अधिकृतको टोलीले तीनै जनालाई पक्राउ गरी स्कुटर समेत बरामद गरी थप अनुसन्धान भइ रहेको जिप्रकाले जनाएको छ ।