वीरगंज, २५ असोज ।
वीरगंज महानगरपलिकाका मेयर र उप–मेयरलाई पर्सा तेक्वान्दो संघ वीरगंजले सम्मान गरेको छ ।
वीरगंज स्थित कभर्ड हलमा मंगलवार आयोजित एक कार्यक्रम विच मेयर राजेशमान सिंह र उप–मेयर मो. इम्तियाज आलमलाई संघले सम्मान गरेको हो ।
कार्यक्रममा संघका अध्यक्ष गणेशमान श्रेष्ठ सहित पदाधिकारीहरु विरेन्द्र बहादुर कुर्मी क्षेत्री र राजु साह लगायतले सम्मान पत्र र फूलमाला सहित खादा ओढाएर मेयर सिंह र उप–मेयर आलमलाई सम्मान गरेका हुन ।
गत बैशाख ३० गते सम्पन्न स्थानीय तह निर्वाचनबाट निर्वाचित हुनु भएका मेयर र उप–मेयरलाई विशेष कार्यक्रमको आयोजना गरी सम्मान गरिएको संघका उपाध्यक्ष रमेश मानन्धरले बताउनु भयो ।
संघका अध्यक्ष गणेशमान श्रेष्ठको सभापतित्वमा आयोजित कार्यक्रममा तेक्वान्दोका प्रशिक्षक, संघका पूर्व अध्यक्ष निशान्त लामिछाने लगायत पदाधिकारीहरुको सहभागिता रहेको थियो ।
