वीरगंज, २७ भदौ ।
मोटरसाइकलको ठक्करबाट एक महिलाको मृत्यु भएको छ ।
पर्सा जिल्ला पटेर्वासुगौली गाउपालिका वडा नं.१ स्थित सडकखण्डमा मोटरसाइकलले ठक्कर दिंदा स्थानीय महिलाको मृत्यु भएको हो ।
पटेर्वासुगौली गापा वडा नं. १ निवासी मनोज कुमार यादवले चलाएको प्रदेश २–०३–२१ प ९३०० नम्बरको मोटरसाईकलले ठक्कर दिंदा गम्भिर घाइते भएकी स्थानीय ४५ वर्षीया फुलमती देवी खातुनको वीरगंज स्थित नारायणी अस्पतालमा उपचारको क्रममा मृत्यु भएको प्रहरीले जनाएको छ ।
आइतवार राती साढे ९ बजे भएको उक्त दुर्घटनामा घाइते भएकी खातुनलाई तत्काल उपचारको लागी नारायणी अस्पतालमा पु¥याए पनि उपचारकै क्रममा राती साढे ११ बजे मृत्यु भएको प्रहरीले जनाएको छ ।
हाल ठक्कर दिने मोटरसाइकल र चालक यादव प्रहरी नियन्त्रणमा रहेको जिल्ला प्रहरी कार्यालय पर्साले जनाएको छ ।
Facebook Comments Box
